КАТШАСИНЪЯС
Кывъясыс С.Поповлöн Музыкаыс А.Осиповлöн

Коркö узьланныд он, катшасинъяс,
Мыйла восьсаöсь пыр тiян синъяс?
Менö пыр сöмын тi дiнö нуö,
Лыдтöм дзоридзöн тыр Коми муö.
Катшасинъяс,
Катшасинъяс,
Мыйла восьсаöсь пыр тiян синъяс?

Эмöсь лунвылын мичаджык муяс,
Сэнi кывтöны визувджык юяс.
Сöмын мыйлакö пыр медся матыс
Эзысь лысваöн дзирдалысь асыв.
Катшасинъяс,
Катшасинъяс,
Мыйла восьсаöсь пыр тiян синъяс?

Уна сьыланкыв татысь ми кывлiм,
Кодöс сиöны радейтан нывлы.
Ловъя дзоридзысь мый бурыс сюрö
Нывлы пуктыны кудриа юрö?
Катшасинъяс,
Катшасинъяс,
Мыйла восьсаöсь пыр тiян синъяс?